17Geet
آمد نیڑے آئی
Amad nerdy ayi
Advent
Note:
Verse 1
آمد نیڑے آئی
مسیح دی آمد نیڑے آئی
بن جاؤ اصل عیسائی
مسیح دی آمد نیڑے آئی
Verse 2
یسوع مسیح دے آؤ دوارے
اوگن بخشے جاون سارے
ہووے خوب صفائی
مسیح دی آمد نیڑے آئی
Verse 3
سبھناں رَل مل مَتے پکائے
بادشاہاں ہُن جنگ رچائے
کردے خوب لڑائی
مسیح دی آمد نیڑے آئی
Verse 4
کال بھچال ہون بہتے آون
سُتیاں لوکاں نوں جگاون
ہوش کرو میرے بھائی
مسیح دی آمد نیڑے آئی
Verse 5
بھائی بھائیاں تے ظلم کماندے
خوف خدا دا مول نہ کھاندے
کرے خوب بُرائی
مسیح دی آمد نیڑے آئی
Verse 6
تینوں پاپاں بہت ستایا
پلڑا شیطان نے گل وِچ پایا
بنیا پھریں شدائی
مسیح دی آمد نیڑے آئی
Verse 7
دانی ایل نبی فرمایا
ویکھ زمانہ آخر آیا
دانش وَدھدی جائی
مسیح دی آمد نیڑے آئی
Verse 8
آؤ وَل مسیح دے جائیے
آمد وِچ شریک ہو جائیے
بن کے اصل عیسائی
مسیح دی آمد نیڑے آئی
Verse 9
آمد دی ہُن کرو تیاری
کیوں گناہ نے مت جے ماری
ہوش کرو میرے بھائی
مسیح دی آمد نیڑے آئی
Verse 10
خوشی دے وِچ مارو نعرہ
یسوع ہویا اے کفارہ
دیو ایہہ گواہی
مسیح دی آمد نیڑے آئی
Verse 11
جو اِیمان مسیح تے لیاوے
مفت انعام نجات دا پاوے
دھوکا مول نہ کائی
مسیح دی آمد نیڑے آئی
Verse 12
جو اِیمان مسیح تے نہ لیاوے
اوہدی فیر تباہی ہو جاوے
ایہہ ہے حکم خدائی
مسیح دی آمد نیڑے آئی
Verse 13
خوش خبری دا ایہہ پیغام
پہنچے ہر ہر تھائیں تمام
دیئو ایہہ دوہائی
مسیح دی آمد نیڑے آئی
Verse 14
انجیل متی وِچ ایہہ بیان
قیامت والے سبھے نشان
لکھیا نال صفائی
مسیح دی آمد نیڑے آئی
Word meanings
- اوگن
- گناہ
- رچائے
- شروع کیے
- کال بھچال
- قحط اور زلزلے
- شدائی
- دیوانہ، پاگل
- کفارہ
- گناہوں کا فدیہ
- دوہائی
- فریاد، ہاڑا
Sin
Started, set in motion
Famines and earthquakes
Mad, crazed
Atonement
Outcry, proclamation
Comments (0)
No comments yet. Tell us how this hymn is sung in your church.