119Zaboor
تیری نجات دے شوق وِچّ- گیارہواں حصہ گیارہواں وزن
Teri nijat dy shoq wich
LongingDr. Imam-Din Shahbaz (1845-1921)
Note:
Verse 1
تیری نجات دے شوق وِچّ،
ہُندی بے ہوش ہے میری جان
تیرے ہی قول تے اے خُدا،
دِل تھیں مَیں رکھدا ہاں ایمان
Verse 2
تیری اوڈیک وِچ اے خُدا,
اکھیاں تے ہویاں ہین فنا
کدوں جواب توں گھلیں گا,
دیویں گا توں تسلیاں
Verse 3
چمڑے دی مشک دی مثال,
ہویا ہے رَبّا میرا حال
سُکّی ہو جیہڑی دھُوں دے نال،
پر مَیں نہ بھُلیا تیرا ناں
Verse 4
مینوں توں دسّیں اے خُدا،
کِتنے دہاڑے جیواں گا
میریاں دُشمناں ہی دا،
کدوں توں کریں گا نیاں
Verse 5
واسطے میرے اے خُدا،
ایہہ جو گھمنڈی بے شرع
پُٹدے نے ٹوئے ڈُوہنگے چا،
اوہناں دے وِچّ تاں ڈِگ پواں
Verse 6
مینوں ستاندے بے سبب،
تیرے نیں سچّے حُکم سب
میری مدد توں کراے رَبّ،
توئیں تے میری ہیں چٹان
Verse 7
ویلا سی نیڑے آ گیا،
کر دے اوہ مینوں مل فنا
پر مَیں ہمیشہ رکھیا،
تیرے ہی فرضاں دا دھیان
Verse 8
رکھیں توں نظر مہر دی،
بخشیں تو مینوں زندگی
رکھاں گا یاد دِل سیتی،
تیریاں سب شہاداتاں
Word meanings
- اڈیک
- انتظار، راہ دیکھنا
- مشک
- چمڑے کی تھیلی ,پانی یا مشروب رکھنے کی
- گھمنڈی
- مغرور، متکبر
- پُٹدے
- کھودتے ہیں
- ٹوئے
- گڑھے
- مہر
- مہربانی، شفقت
Waiting, expectation
Wineskin, leather bag
Proud, arrogant
Have dug
Pits
Kindness, mercy
Comments (0)
No comments yet. Tell us how this hymn is sung in your church.