119Zaboor
چراغ ہے میرے پیراں لئی کلام تیرا-چودھواں حصہ، چودھواں وزن
Chragh hy mery peran layi klam tera
GuidanceDr. Imam-Din Shahbaz (1845-1921)
Note:
Verse 1
چراغ ہے میرے پیراں لئی کلام تیرا
تے میرے راہاں دے وچ اوہ ہے روشنی کردا
Verse 2
کراں گا پورا اوس نوں قسم جو کھاہدی ہے
کہ فیصلے تیرے سب سچے یاد رکھاں گا
Verse 3
ہے میرے اُتے مصیبت یہواہ ات بھاری
سو اپنے قولاں نوں توں یاد کرکے مینوں جوا
Verse 4
قبول کر میرے سب منہ دے ہدیئے مہر دے نال
یہواہ اپنیاں ہن توں عدالتاں سکھلا
Verse 5
ہمیشہ میری ہتھیلی اُتے ہے میری جان
مَیں تد وی تیری شریعت نہیں بھلائی ذرا
Verse 6
وچھایا جال میرے واسطے شریراں نے
مَیں تد وی فرضاں تھیں تیرے ذرا نہیں ہٹیا
Verse 7
تیرا کلام ہے میری ہمیشہ دی میراث
تیری شہادتاں تھوں میرا دِل ہے خوش رہندا
Verse 8
مَیں کیتا اپنے دِل نوں ہے اِس طرف مائل
کہ تیرے قاعدے دستوراں اُتے چلاں سدا
Word meanings
- ہتھیلی
- ہاتھ کا اندرونی حصہ
- شریعت
- قانون
- میراث
- وراثت
- دستوراں
- قواعد
Palm (of hand)
Law (of God)
Heritage/Inheritance
Statutes/Rules
Comments (0)
No comments yet. Tell us how this hymn is sung in your church.