Hun te main Yahowa agge devan ga duhai
ہُن تے مَیں یہواہ اگے دیواں گا دہائی
Dr. Imam-Din Shahbaz (1845-1921) · Zaboor 055 · Lament as Trust
Note:
Verse 1
ہُن تے مَیں یہواہ اگے دیواں گا دوہائی
مینوں آپیں رحم کر کے بخشے گا رہائی
Hun te main Yahweh agge devan ga duhai
Mainu aapin reham kar ke bakhshe ga rehai
Verse 2
شام، صبح، دوپہراں نوں میں فریاداں گزاراں
سنے گا رب رونا میرا نالے سب پکاراں
Shaam, subah, dopehran nu main faryadan guzaran
Sune ga Rab rona mera naale sab pukaran
Verse 3
اوہناں دے جنگ وچوں رب نے میری جان بچائی
اوہناں دا شمار سی بہتا کردے جو لڑائی
Ohnan de jang wichon Rab ne meri jaan bachai
Ohnan da shumaar si bahuta karde jo ladai
Verse 4
دشمناں دے طعنے سن کے رب جواب سناوے
مُڈھ قدیموں بیٹھا ہے اوہ تخت نیاں دے اُتے
Dushmanan de tanay sun ke Rab jawab sunaawe
Mudh qadeeman baitha hai oh takht niyan de utte
Verse 5
اوہ نہ ڈر دے ہین خدا تھوں نہ ویکھی تبدیلی
اپنے سجناں متراں دے نال اوہناں تے ضد کیت
Oh na dar de hain Khuda thon na vekhi tabdeeli
Apne sajnaan mitraan de naal ohnan ny zid keeti
Verse 6
قول قرار بتھیرے کیتے، پر نہ پوری پائی
مکھن نالوں منہ ہے کولا، دل وچ بھری لڑائی
Qol qaraar batheray keete, par na poori paai
Makkhan naalon moonh hai koola, dil wich bhari ladai
Verse 7
تیل تھوں ودھ کے نرم ملائم اوہدے منہ دیاں باتاں
پرننگی تلوار دے وانگر تیز نے اوہدیاں گھاتاں
Tel thon vadh ke narm Mulayam ohde mu diyan baatan
Pr nangi talwaar de vangar tez ne ohdiyan ghaataan
Verse 8
اپنا بھار یہواہ تے سٹ آپیں اوہ سنبھالے
سچے نوں ہمیشہ تیکرکدی نہ تلکن دیوے
Apna bhaar Yahweh te sut aapin oh sambhaale
Sacche nu hamesha tikar kadi na talkan dewe
Verse 9
پر سبھنا ں بدکاراں نوں تُوں، یارب میرے سائیں
موت دے ڈوہنگے ٹوئے دے وچ آپیں مار مکائیں
Par sabna badkaran nu Tu, Ya Rab mere sayeen
Maut de dohnge toye de wich aapin maar makayen
Verse 10
دغا باز تے خونی کدی ادھی عمر نہ پاوے
پر ہے میری آس ہمیشہ یا رب تیرے اُتے
Dagha baaz te khooni kadi adhi umar na paawe
Par hai meri aas hamesha ya Rab tere utte
Comments (0)