Meri aas hai tere utte aye Yahowa paak Khuda-(Pahla hissa)
میری آس ہے تیرے اُتّےاے یہّواہ پاک خدا- پہلا حصہ
Dr. Imam-Din Shahbaz (1845-1921) · Zaboor 031 · Praise and Worship\Thanksgiving
Note:
Verse 1
میری آس ہے تیرے اُتّے اے یہّواہ پاک خدا
میری آس ہے تیرے اُتّے اے یہّواہ پاک خدا
کدی نہ ہوون دے شرمندہ پر سچیائی نال چھڈا
Meri aas hai tere utte aye Yahowa paak Khuda
Meri aas hai tere utte aye Yahowa paak Khuda
Kadi na howan de sharminda par sachiaayi naal chhada
Verse 2
میرے ول توں کن کر اپنا مینوں چھیتی دے ارمان
دے پناہ ہو قلعہ میرا میری ہو مضبوط چٹان
Mere wall Tu kann kar apna mainu chheti de armaan
De panaah ho Qila mera meri ho mazboot chataan
Verse 3
توئیں آپ چٹان ہیں میری قلعہ ہیں توں بندے دا
اپنے ناں دے واسطے میری کر اگوائی راہ وکھلا
Toein aap chataan hain meri Qila hain Tu bande da
Apne naan de waaste meri kar agwaayi raah wikhla
Verse 4
اوہناں نے اک لک کے کیتا میرے لئی جال تیّار
کڈھ اوس وچوں توں ہیں میرا پکا زور تے مددگار
Ohnaan ne ik luk ke keeta mere layi jaal tayyaar
Kadh os wichon Tu hain mera pakka zor te madadgaar
Verse 5
سونپدا ہاں روح اپنی تینوں اے سچیائی دے خدا
توئیں ہیں یہّواہ جس نے مینوں کیتا ہے رہا
Sonpeda haan rooh apni tainu aye sachiyaayi de Khuda
Toein hain Yahowa jis ne mainu keeta hai riha
Verse 6
میں تے اوہناں دا ہاں ویری جیہڑے منّدے جھوٹھ بطلان
میری آس یہّواہ تے ہے اوس تے میرا ہے ایمان
Main te ohnan da haan weri jehre mande jhooth batlaan
Meri aas Yahowa te hai os te mera hai imaan
Verse 7
تیری رحمت تے میں یا رب خوش ہو خوشیاں کراں گا
میری جان دے دکھ توں جاندا کیتی اوہناں تے نگاہ
Teri rehmat te main ya Rab khush ho khushiyan karan ga
Meri jaan de dukh Tu jaanda keeti ohnaan te nigaah
Verse 8
اوہناں وچ تو چھڈیا مینوں جیہڑے ات ہتھیارے ہین
میرے پیر ہن کھلے تھاں وچ توئیں آپ کھلیارے ہین
Ohnaan wich Tu chhadiya mainu jehre at hathyaare hain
Mere pair hun khule thaan wich toein aap khalyaare hain
Comments (0)