104Punjabi Zaboor
ربّا گنی نہ جاندی تیری کاریگری-پنجواں حصہ، چوتھا وزن
Rabba ginni na jandi teri kaarigari
MajestyDr. Imam-Din Shahbaz (1845-1921)
Note:
Verse 1
ربّا گنی نہ جاندی تیری کاریگری
Rabba ginni na jandi teri kaarigari
Verse 2
تیرے ہی ہتھاں دی کاریگری
وچ ڈھاڈی دانائی تے حکمت بھری
Tere hi hathan di kaarigari
vich dhaadi daanai te hikmat bhari
Verse 3
تیری ہی دولت تیرے ہی مال نال
سارا جہان تے ایہہ دھرتی بھری
Teri hi daulat tere hi maal naal
saara jahan te eh dharti bhari
Verse 4
ایہہ جو سمندر ہے لما تے چوڑا
ایہدے وچ وی تیری رچنا بڑی
Eh jo samundar hai lamma te chorda
ehde vich v teri rachna badi
Verse 5
چھوٹے وڈے جانور رہندے وچ چلدے
اوہناںدی گنتی کسے نہ کری
Chhote wadde jaanwar hunde vich chalde
ohnaan di ginti kise na kari
Verse 6
اوسے دے وچ وی جہاز ہن چلدے
لوکی تیاں کھیڈ دے کردے خوشی
Ose de vich v jahaaz hun chalde
loki tiyan khed de karte khushi
Verse 7
تیرے ہی ول اوہ سب تکدے رہندے
بخشش خوراک توئیں اوہناں نوں وی
Tere hi wal oh sab takde rehnde
bakhshi khurak tu e ohnaan nu vi
Verse 8
توں دیندا اوہناں اوہ تیتھوں لیندے
توں کھولدا ہے منہ تے رجاندا سبھی
Toon dainda ohnaan oh tetho lainde
toon kholda hai munh te rajaanda sabhi
Verse 9
اوہناں تھیں منہ جد توں اپنا لکاندا
بپتا تد اوہناں تے پیندی بڑی
Ohnaan thin munh jad Tu apna lukaanda
bipta tad ohnaan te painda badi
Verse 10
توں کھچدا دم اوہناں دا تد اوہ مردے
مٹی دے وچ پھیر مٹی رلی
Toon khichda dam ohnaan da tad oh marday
mitti de vich phir mitti rali
Verse 11
توں گھلدا دم تدوں اوہ پیدا ہندے
دھرتی نوں دیندا توں مڑ زندگی
Toon ghalda dam tadon oh paida hunde
dharti nu dainda toon murd zindagi
Comments (0)
No comments yet. Tell us how this hymn is sung in your church.