Skip to content

Praise & Worshipحمد و ثنا

103Zaboor

رحمت نال ہے بھریا ہویا-دوجا حصہ، دوجا وزن

Rehmat nal hy bharya hoya, pak Yahowa sada

MercyDr. Imam-Din Shahbaz (1845-1921)

Note:

Verse 1

رحمت نال ہے بھریا ہویا، پاک یہواہ ساڈا

رحمت نال ہے بھریا ہویا

Verse 2

رحمت نال ہے بھریا ہویا، پاک یہواہ ساڈا

غصہ تے کرن دے وچ اوہ دھیرا، پیار ات اوسدا ہے ڈاہڈا

Verse 3

ساڈے اُتے وی رب اساڈا، سدا نہیں جھنجھلاوے

اوڑک تیکر نہیں ساڈے اُتے، اپنا کرودھ وکھاوے

Verse 4

جیہی ساڈی ہے بریائی، تیہا سلوک نہ کردا

ساڈے پاپاں وانگر سانوں، بدلہ نہیں اوہ دیندا

Verse 5

جناں اُچا ایس دھرتی تھوں، ایہہ آسمان ہے سارا

رب دے ڈرن والیاں اُتے، رحم ہے اوہدا بھارا

Verse 6

جناں چڑھدے تھوں ہے لہندا، اونیں دُور اساڈے

پاپ خدا نے چک کے سارے، سُٹے دُور دُراڈے

Verse 7

اپنے پُتراں اُتے جیہا، ترس پتا ہے کھاندا

اپنے ڈرن والیاں اُتے، تیہا رحم وکھاندا

Verse 8

کیونکہ جاندا ہے اساڈی، آپ بناوٹ ساری

بنے ہاں مٹی دے اسیں، ایہہ گل نہ وساری

Verse 9

عمر منکھ دی گھاہ دے وانگر، جنگلی پھل وانگ پھُلدا

وا جد وَگے ناس ہو جاندا، تھاں تے مُڑ نہ لبھدا

Verse 10

رحمت رَب دی اوہناں اُتے، جیہڑے خوف مناون

نال اوہناں دے سچ سدا ہے، نسلاں جیہڑیاں آون

Verse 11

اوہناں اُتے وی جو اوہدے، عہدنوں ہین یاد کردے

ہاں جو اوہدے حکماں اُتے، اپنا دل ہین دھر دے

Mistake in the lyrics?Report a correction

Playing on guitar?Tuner Chords

Word meanings

ڈاہڈا: بہت زیادہ، شدید
جھنجھلاوے: غصہ کرے، ناراض ہو
کرودھ: غصہ، قہر
بریائی: بدی، گناہ
بناوٹ: ساخت، تخلیق

0 people like this hymn

Comments (0)

No comments yet. Tell us how this hymn is sung in your church.