Oh dhan jis de bakhshe gaye sab gunaah-(Pahla hisa)
اوہ دھن جس دے بخشے گئے سب گناہ-پہلا حصہ
Dr. Imam-Din Shahbaz (1845-1921) · Zaboor 032 · Praise and Worship\Thanksgiving
Note:
Verse 1
اوہ دھن جس دے بخشے گئے سب گناہ
تے ڈھکے گئے سارے اوگن سدا
Oh dhan jis de bakhshe gaye sab gunaah
Te dhake gaye saare augun sada
Verse 2
نہ رب جس دے پاپاں دا کردا حساب
اوہ دھن ہے تے دل اُس دا نہیں خراب
Na Rab jis de paapaan da karda hisaab
Oh dhan hai te dil us da nahin kharaab
Verse 3
میں جد چپ رہیا تد میری ہڈیاں
کراہندے ہوئے سارا دن گل گیاں
Main jad chup rehya tad meri haddiyaan
Karahnde hoye saara din gal giyaan
Verse 4
دنے وی تے راتیں وی میرے خدا
تیرا ہتھ میرے اُتے بھارا رہیا
Diny wi te raatein wi mere khuda
Tera hath mere utte bhaara rehya
Verse 5
تے چربی میری ساری پگھر گئی
تے گرمی دی خشکی نال بدلی گئی
Te charbi meri saari pighar gayi
Te garmi di khushki naal badli gayi
Verse 6
تیرے کول کیتا گناہ دا اقرار
ہاں من لیا میں تے ہاں ڈاہڈا بدکار
Tere kol keeta gunaah da iqraar
Haan mann laya main ty haan daahda badkaar
Verse 7
میں کہیا یہواہ دے اگے ضرور
میں مناں گا اپنے گناہ تے قصور
Main kahiya Yahuwah de agge zaroor
Main manaan ga apne gunaah te qusoor
Verse 8
سو میری بد ذاتی دا بھارا گناہ
توں بخش دِتا مینوں اے میرے خدا
So meri bad zaati da bhaara gunaah
Tu bakhsh ditta mainu aye mere Khuda
Verse 9
ایس واسطے یا رب جو لوک ہیں دیندار
توں جد تیکر لبھیں اوہ کرن گے پکار
Es waaste ya Rab jo lok hain daindar
Tu jad tikar labhein ohh karan ge pukaar
Verse 10
تے بھانویں دریاواں وچ اُٹھے طوفان
نہ اوہناں دا ہووے گا کجھ وی نقصان
Te bhaanwein daryaawaan wich utthe toofan
Na ohnaan da howe ga kujh wi nuqsaan
Verse 11
ہیں تھاں میرے لکن دا توئیں خدا
بچاندا ہیں دکھاں تھوں توئیں سدا
Hain thaan mere lukan da Tu e Khuda
Bachaanda hain dukhaan thon Tu e sada
Verse 12
خوشی بخشدا مینوں کردا نہال
توں گھیرا چھٹکارے دے گیتاں دے نال
Khushi bakhshda mainu karda nihaal
Tu ghera chhutkare de geetaan de naal
Comments (0)