29Masihi Geet
آیا مسیحا پیارا سارے جہان بدلے
Aaya Masiha pyaara saare jahaan badle
Advent
Note:
Verse 1
آیا مسیحا پیارا سارے جہان بدلے
دنیا دے پاپ سارے آیا اُٹھان بدلے
Aaya Masiha pyaara saare jahaan badle
Duniya de paap saare aaya uthaan badle
Verse 2
حوا نے قہر کمایا
عدنوں سی باہر کڑھایا
عرشاں توں دھرتی آیا
بگڑی بنان بدلے
Hawwa ne qehar kamaaya
Adnon si baahar kadhaaya
Arshaan ton dharti aaya
Bigdi banaan badle
Verse 3
دنیا سی رُڑھدی جاندی
ڈُبدی تے غوطے کھاندی
سچ دا کلام آیا
رستہ دکھلان بدلے
Duniya si rudhdi jaandi
Dubdi te ghote khaandi
Sach da kalaam aaya
Rasta dikhlaan badle
Verse 4
دُکھاں دے وچ گزاری
اُس نے سی عمر ساری
دل دا حلیم بنیا
سانوں سکھلان بدلے
Dukhan de vich guzari
Us ne si umar saari
Dil da haleem baniya
Saanu sikhlan badle
Verse 5
سولی ہے اُس نے چائی
جندڑی ہے گھول گھمائی
کیتی ہے آن رسائی
پاپی بچان بدلے
Soli hai us ne chaayi
Jindri hai ghol ghumaayi
Keeti hai aan rasaayi
Paapi bachaan badle
Verse 6
چھائی سی دُھند غباری
جس وِچ سی دنیا ساری
سچ دا ہے نور آیا
چانن لگان بدلے
Chhaayi si dhund ghubaari
Jis vich si duniya saari
Sach da hai noor aaya
Chanan lagaan badle
Verse 7
اُس توں قربان جائیے
رحمت تے برکت پائیے
جاوے تے جان جاوے
سچے ایمان بدلے
Us ton qurban jaiye
Rehmat te barkat paaiye
Jaave te jaan jaave
Sache imaan badle
Word meanings
- مسیحا
- نجات دینے والا، یسوع
- عرشاں
- آسمانوں
- عدنوں
- عدن کے باغ سے
- سولی
- صلیب
- رُڑھدی
- بہتی ہوئی، ڈوبتی ہوئی
- ایمان
- یقین، بھروسا
Messiah, Saviour
Heavens
From Eden
Cross
Drifting, sinking
Faith
Comments (0)
No comments yet. Tell us how this hymn is sung in your church.