24Masihi Geet
آؤ شکر خدا دا کریئے
Ao shukr Khuda da kriye eho Rab di mrzi ae
Thanksgiving
Note:
Verse 1
آؤ شکر خدا دا کریئے ایہو رب دی مرضی اے
اوہدے ناں نوں اُچا کریئے ایہو رب دی مرضی اے
Ao shukr Khuda da kriye eho Rab di mrzi ae
ode na nu ucha kriye eho Rab di mrzi ae
Verse 2
دُکھیاں دے دُکھاں دا چارہ کمزوراں دا راکھا اے
بے آساں دی آس مسیحا سارے جگ دا آقا اے
تھاں تھاں ذکر یسوع دا کریئے ایہو رب دی مرضی اے
Dukhiya de dukhan da chara kmzoran da rakha ae
be asa di aas Masiha sare jag da aqa ae
than than zikr Yasu da kriye eho Rab di mrzi ae
Verse 3
ساڈا رب پاتالاں وچوں سانوں کڈھ لیایا اے
پاپاں وچوں کڈھ کے سانوں اپنے نال بٹھایا اے
اوہدے پیار دا چرچا کریئے ایہو رب دی مرضی اے
Sada Rab ptalan wichon sanu kadh lyaya ae
papan wichon kadh ke sanu apne nal bithaya ae
ode pyar da chrcha kriye eho Rab di mrzi ae
Verse 4
اوہدے پاک حضوروں سانوں سچیاں خوشیاں لبھیاں نیں
اوہدے پاک کلام نے سانوں اُچیاں گلاں دسیاں نیں
اوہنوں ہر دم سجدہ کریئے ایہو رب دی مرضی اے
Ode pak hazuron sanu schiya khushiya lbhiyan ny
ode pak kalam ne sanu uchiyan gallan dasiyan ny
onu hr dam sajda kriye eho Rab di mrzi ae
Word meanings
- چارہ
- علاج، مدد
- راکھا
- حفاظت کرنے والا، نگہبان
- پاتال
- زمین کے نیچے کی گہرائی، پستی
- چرچا
- تذکرہ، شہرت
- سجدہ
- جھک کر عبادت کرنا
Remedy, help
Protector, guardian
Abyss, depths
Talk, proclamation
Worship, prostration
Comments (0)
No comments yet. Tell us how this hymn is sung in your church.