22Zaboor
اے خداوند اے رب میرے کیوں تو میری سندا نہیں-پہلا حصہ
Ay Khudawand Ay Rab Mere Kiu Tu Meri Sunda Nai
ProvidenceDr. Imam-Din Shahbaz (1845-1921)
Note:
Verse 1
اے خداوند اے رب میرے کیوں تو میری سندا نہیں
میری مدد تے فریاد توں دور کیوں رہندا سندا نہیں
Verse 2
اے خداوند رب توں میرا میں پکار دا فجرے تینوں
رات نوں وی میں چپ نہ رہندا پر توں میری سندا نہیں
Verse 3
توں خداوند پاک خدا ہیں توں بزرگی نوں ہے پہندا
آسرا رکھیا پیو دادیاں نے اوہناں نوں توں چھڈیا نہیں
Verse 4
جد دہائی تیری دتی توہیں اوہناں نوں چھڑایا
جنہاں آسرا تیرا رکھیا اوہ شرمندہ ہوئے نہیں
Verse 5
مینوں سب ملامت کردے سارے ویکھ کے سانگ وی لاندے
سر ہلاندے رہندے اپنے میں ہاں کیڑا بندہ نہیں
Verse 6
کہندے ہیں اوہ ٹھٹھا مار کے آس یہوواہ تے اوہ دھردا
جے خدا ہے اوس تھوں راضی اوس نوں کیوں چھڈاندا نہیں
Verse 7
تیرے ہتھوں جنم پایا توں تے مینوں اے خداوند
ماں دی گود وچ آسرا دتا توں تے مینوں چھڈیا نہیں
Verse 8
توہیں میری پالنا کیتی جدوں دا میں پیدا ہویا
توہیں میرا رب ہیں مالک تیرے باجوں کوئی نہیں
Word meanings
- فجرے
- صبح سویرے
- ملامت
- طعنہ، لعن طعن
- سانگ
- مذاق، ٹھٹھا
- ٹھٹھا
- مذاق اڑانا
- پالنا
- دیکھ بھال, پرورش
At dawn, early morning
Reproach, blame
Mockery, ridicule
Scoffing, mocking
Nurturing, upbringing
Comments (0)
No comments yet. Tell us how this hymn is sung in your church.