2Zaboor
لوک کاہدے لئی پاندے- پہلا وزن
Lok kahdy layi pandy dand sardar ty sb badshah
SovereigntyDr. Imam-Din Shahbaz (1845-1921)
Note:
Verse 1
لوک کاہدے لئی پاندے ڈنڈ سردار تے سب بادشاہ
مسیح تے رب دی ضد دے وچ کیوں کردے ہین صلاح
Verse 2
اوہ رل کے کہندے آؤ بند اوہناں دے کھولاں گے
اوہناں دے رسے اپنے تھوں توڑ کے سٹاں گے
Verse 3
آسماناں تے جو بیٹھا ہے اوہناں تے ہسے گا
رب اوہناں نوں مخولاں نال ہن آپ اڈاوے گا
Verse 4
تد غصے ہو کے اوہناں نوں کرے گا پریشان
تے غصے دے وچ اوہناں نوں ایہہ کرے گا فرمان
Verse 5
صیہون دے پاک پہاڑ تے میں بٹھایا اپنا شاہ
یہوواہ دا فرمان جو ہے میں اوہ سناواں گا
Verse 6
توں بیٹا میرا اج تھوں ہے باپ تیرا ای میں ہاں
توں میتھوں منگ تے تینوں میں سب قوماں دیاں گا
Verse 7
تے کل زمین دے حصے وی میں تینوں دیاں گا
اوہناں نوں لوہے دے سوٹے نال توں آپ توڑیں گا
Verse 8
کمہیار دے پانڈے وانگر توں بھنیں گا اوہناں نوں
سب بادشاہو تے منصفو منو نصیحت نوں
Verse 9
پوجو ڈر نال یہوواہ نوں خوف نال کرو خوشی
بیٹے نوں چمو تاں راہ وچ نہ ہوو فنا وی
Verse 10
کیوںجوقہرخداوندداچھیتی نال بھڑکے گا
اوہ جیہڑےاوس تے رکھدے آس مبارک ہین سدا
Word meanings
- ڈنڈ
- سزا، جرمانہ، (یہاں) شور شرابا / منصوبہ باز
- صلاح
- مشورہ، سازش
- ضد
- مخالفت، دشمنی
- سوٹا
- لاٹھی، عصا
- کمہیار
- کمہار، مٹی کے برتن بنانے والا
Plot, tumult
Counsel, conspiracy
Opposition
Rod, staff
Potter
Comments (0)
No comments yet. Tell us how this hymn is sung in your church.