63Zaboor· Pehla Hissa· Pehla Wazan
تڑکے میں تیںوں ڈھونڈاں یا رب میرے خدایا- پہلا حصہ — پہلا وزن
Tarke mein teenon dhoondan ya Rab mere Khudaya
Deep longing for and trust in GodDr. Imam-Din Shahbaz (1845-1921)
Note:
Verse 1
تڑکے میں تینوں ڈھونڈاں یا رب میرے خدایا
میری جان تیری تہائی، تن میرا خشک سائی
دھپ نے زمین جلائی، مَیں وی ہاں تیرا تہایا
Verse 2
مَیں ویکھاں تیری قدرت، نالے تیرا زور تے حشمت
جیہا تیرے گھر مقدس وچ مینوں نظری آیا
Verse 3
تیری جو مہربانی، بہتر کہ زندگانی
ہووے میری زبانی وڈیائی وی خدایا
Verse 4
جد تک میں جیوندا رہاں گا، دھن تینوں کہاں گا
نال تیرے جاں میں لاں گا، ہتھ اپناتاں اُٹھایا
Verse 5
رَج میری جان جاوے، جیوں چربی گودا کھاوے
منہ میرا گیت گاوے، خوشیاں دے وچ جو آیا
Verse 6
راتیں جدوں میں سوناں، تیرے خیال وچ بھوناں
تیرے پراں دے ہیٹھاں خوش رہناں ہاں خدایا
Verse 7
تُدھ نال پریت ہے میری، ہتھ تیرا دے دلیری
جو چاہندے جان میری، متا مار دا پکایا
Verse 8
جاون پتال، اوہ سارے تلوار نال مارے
بد حال موئے وچارے، گدڑاں نے سب نوں کھایا
Verse 9
رب تھیں خوشی شاہ پاندا، اوس دی قسم جو کھاندا
خوش ہو خوشی مناندا، جھوٹھے نوں چپ کرایا
Comments (0)
No comments yet. Tell us how this hymn is sung in your church.