Yahowah, uchi ditti, main pukaraan ga jadon tainu-Teeja hisa(teeja wazan)
یہّواہ، اُچی دتی، میں پکاراں گا جدوں تینوں -تیجا حصہ، تیجا وزن
Dr. Imam-Din Shahbaz (1845-1921) · Zaboor 027 · Praise and Worship\Thanksgiving
Note:
Verse 1
یہّواہ، اُچی دتی، میں پکاراں گا جدوں تینوں
توں سن میری تے رحمت کر، دُعا دا اُر دے مینوں
Yahowah, uchi ditti, main pukaran ga jadon tainu
Tu sun meri te rehmat kr, dua da urr de mainu
Verse 2
تسی چہرہ میرا ڈھونڈو، جدوں فرمایا سی ایہہ توں
میں بولیا تد کہ ڈھونڈاں گا، خدایا تیرے چہرے نوں
Tusi chehra mera dhundo, jadon farmaya si eh Tu
Main bolya tad ke dhundan ga, Khudaya tere chehre nu
Verse 3
توں ہویا میرا مددگار، لکا نہ اپنا منہ میتھوں
نہ دھکا دے کے مینوں کڈھ، جو مدد نہیں بن تیتھوں
Tu hoya mera madadgaar, lukaa na apna munh methon
Na dhakka de ke mainu kadh, jo madad nahin ban tethon
Verse 4
نہ مینوں چھڈ، نہ رد کر دے، توں میرا مکتی داتا ہیں
میرے ماپیو نے چھڈ دِتا، یہّواہ پالن ہارا ہیں
Na mainu chhad, na rad kar de, Tu mera mukti data hain
Mere maapio ne chhad ditta, Yahowah palanhara hain
Verse 5
میرے دشمن بتھیرے ہین، توں اپنا راہ وکھا مینوں
بروبر سدھے رستے تے، یہّواہ ہن چلا مینوں
Mere dushman bathere hain, Tu apna raah wikha mainu
Barobar sidhe raste te, Yahowah hun chala mainu
Verse 6
نہ مینوں چھڈ خداوندا، توں مرضی دشمناں دی تے
کہ جھوٹھے ویری آئے ہین، میرے اُتے گواہ بن کے
Na mainu chad Khudawanda, Tu marzi dushmanan di te
Ke jhoothe weri aaye hain, mere utte gawaah ban ke
Verse 7
تے کیہہ ہندا جے ایہہ اُمید نہ ہوندی خداوندا
جو تیری خوبیاں میں ایسے دھرتی اُتے ویکھاں گا
Te keh hunda je eh umeed na hondi, Khudawanda
Jo teri khoobiyaan main aise dharti utte wekhaan ga
Verse 8
اُڈیکیں راہ یہّواہ دا، تے اپنے دِل نوں رکھ تگڑا
اوہ تیرے دِل نوں دیوے زور، اُڈیکیں راہ یہّواہ دا
Udeekan raah Yehowah da, te apne dil nu rakh tagra
Oh tere dil nu deve zor, udeekin raah Yehwah da
Comments (0)